O, GENADE! Reeks

Om in die “regte” verhouding met God te staan is beslis die grootste begeerte in my lewe. Dis iets waaroor ek soms gewonder, en selfs getwyfel het. Uit my ervaring van “kerk” was daar teenstrydighede oor die “hoe” en “wat” van ‘n ”regte” verhouding met God. Een oomblik hoor jy genade, dan hoor jy wet, dan hoor jy hoe verlore jy eintlik is en dat jy steeds ‘n helverdiende sondaar is…
Dit het my ‘n student van God se genade en Sy geregtigheid en liefde gemaak. Ek het ervaar dat die kerk ‘n ongemaklike verhouding met genade het en dat geregtigheid op God se manier mis verstaan word. Soms is die kerk bang vir God se radikale genade, omdat daar gevrees word dat mense ongehoorsaam sal wees, wangedrag sal herhaal en slegte gewoontes sal regverdig. Ek het ontdek dat as jy die Woord reg verstaan sal dit tot ‘n vry lewe van toewyding lei en jou tot intimiteit met God bring eerder as van Hom af wegdryf…
In hierdie reeks gaan ons poog om iets van die “regte” verhouding aan u te openbaar. Mag jy die vreugde van ‘n “VRYHEID” wat deur God se genade en Sy geregtigheid bewerk word beleef en mag jy altyd weet dat dit alles onverdiend is!