Dei Gratia – 'n 'Journey' van Genade!

Ons bied vir almal ‘n ruimte om te ‘connect’

By Dei Gratia kan jy kom soos jy is dat God jou kan ontmoet waar jy is, ongeag waar jy op jou Journey van Genade is…
Hierdie kerk se deur staan oop vir alle mense, van alle agtergronde ongeag van waar hulle is op hulle geestelike journey.

CONNECT met ons…

Kom BELEEF ‘n eg, onweerstaanbare ervaring van kerkwees.
Sondag 9:30 in persoon of aanlyn op Facebook & YouTube

Oppi-Tafel gesprek met Danie & Caleb
Episode 18 – 28 Okt ’26
Vorige gesprekke

Sondag 9:30 – **elkEEN wen EEN** [5]
– Die Pad Vorentoe
YouTube, Facebook & Preeknotas

“Live” Streaming

Sondag 9:30

Vorige Byeenkomste se Videos is
beskikbaar op ons YouTube channel

Dei Gratia YouTube channel

elkEEN wen EEN

Wat as ons vir ’n oomblik al die prentjies wat ons van kerk het, eenkant toe skuif en weer ontdek wat Jesus bedoel het toe Hy gesê het: “Ek sal my kerk bou”?

Dalk is die kerk soveel meer as ’n gebou, ’n byeenkoms of ’n instelling. Dalk gaan dit oor mense wat aan Jesus behoort, deur Hom verander word en deur Hom ’n verskil in ander se lewens maak.

Ons gaan nie kerk toe nie. Ons ís die kerk.

En wanneer ons dit begin verstaan, ontdek ons dat kerkwees nie net gaan oor waar ons bymekaarkom nie, maar oor hoe ons leef, liefhet, dien en hoop bring waar ons ook al beweeg.

Miskien is dit tyd om nie net ons prentjie van kerk te bevraagteken nie, maar om weer verlief te raak op die Kerk van Jesus.

Want Sy Kerk is nie bloot iets waaraan ons behoort nie. Dit is deel van wie ons is en hoe Hy deur ons die wêreld aanraak.

Week 5 – Die Pad Vorentoe: hoe en waarheen beweeg ons?

DAGSTUKKIE Week 5 – Dag 23 November 2026

INVLOEDRYK – elkEEN wen EEN

DAG 2 – VAN DIE TEMPEL NA DIE TAFEL

“Hulle het elke dag getrou saamgekom in die tempel … en in hulle huise het hulle saam geëet…” Handelinge 2:46

“People may forget what you said, but they remember how you made them feel.”

Die eerste kerk het nie net in die tempel gebly nie. Hulle het van die tempel na die huise beweeg. Van die groot byeenkoms na die klein tafel. Van aanbidding na verhoudings.
Daar is iets besonders aan ’n tafel. Mense sit. Hulle praat. Hulle luister. Hulle lag. Hulle deel hulle stories. Hulle leer mekaar ken.

Dalk is dit een van die eenvoudigste maniere waarop jy hierdie week invloedryk kan wees: maak plek aan jou tafel. Dit hoef nie ’n groot ete te wees nie. Dit kan ’n koffie wees. ’n Braai. ’n Gesprek na werk. ’n Boodskap aan iemand wat jy lanklaas gesien het.
Jesus het mense dikwels rondom tafels ontmoet. Want mense het nie net waarheid nodig gehad nie. Hulle het ’n plek nodig gehad waar hulle kon behoort.

Die vraag is nie net: “Wie nooi ek kerk toe?” nie.
Die vraag is ook: “Wie nooi ek in my lewe in?”

Refleksie:
Wie kan jy hierdie week nader trek deur eenvoudig vir hulle plek aan jou tafel, in jou huis of in jou lewe te maak?

Lewensverryking

MEER oor ons

Ons skep ‘n ruimte vir almal om ‘n eg onweerstaanbare ervaring van kerkwees te beleef.

Ons doel is om omgewings te skep waar mense aangemoedig en toegerus word om intimiteit met God te beleef ongeag die ‘pathway’ waarmee hy/sy tuis voel, gemeenskap met die binnekringe van Dei Gratia te beleef, en ongekende genade na buitestaandes te neem.

Hier sal jy ‘n plek vind waar jy warm verwelkom word, met liefde en sonder veroordeling benader word en tuis sal voel. Tydens ons byeenkoms sal jy ongeforseerd die Here kan aanbid, Bybelse waarhede onverskrokke kan hoor op ‘n maklike verstaanbare formaat.

Wat BIED ons jou?

Ons skep plek vir almal vanaf ons peuters, kleuters, kinders, tieners, young adults en seniors om op hul vlak bedien te word

meer

Waar kan ek BETROKKE raak?

Ons skep die plek en die geleentheid vir jou om jou ander te dien en jou bediening uit te leef

meer

Wat DOEN ons?

Ons reik uit en help wanneer mense in nood verkeer.
Ons wil mense toerus om in die wêreld te kan lewe

meer