Dei Gratia – 'n 'Journey' van Genade!

Ons bied vir almal ‘n ruimte om te ‘connect’

By Dei Gratia kan jy kom soos jy is dat God jou kan ontmoet waar jy is, ongeag waar jy op jou Journey van Genade is…
Hierdie kerk se deur staan oop vir alle mense, van alle agtergronde ongeag van waar hulle is op hulle geestelike journey.

CONNECT met ons…

Kom BELEEF ‘n eg, onweerstaanbare ervaring van kerkwees.
Sondag 9:30 in persoon of aanlyn op Facebook & YouTube

Oppi-Tafel gesprek met Danie & Caleb
Episode 18 – 28 Okt ’26
Vorige gesprekke

Sondag 9:30 – **elkEEN wen EEN** [5]
– Die Pad Vorentoe
YouTube, Facebook & Preeknotas

“Live” Streaming

Sondag 9:30

Vorige Byeenkomste se Videos is
beskikbaar op ons YouTube channel

Dei Gratia YouTube channel

elkEEN wen EEN

Wat as ons vir ’n oomblik al die prentjies wat ons van kerk het, eenkant toe skuif en weer ontdek wat Jesus bedoel het toe Hy gesê het: “Ek sal my kerk bou”?

Dalk is die kerk soveel meer as ’n gebou, ’n byeenkoms of ’n instelling. Dalk gaan dit oor mense wat aan Jesus behoort, deur Hom verander word en deur Hom ’n verskil in ander se lewens maak.

Ons gaan nie kerk toe nie. Ons ís die kerk.

En wanneer ons dit begin verstaan, ontdek ons dat kerkwees nie net gaan oor waar ons bymekaarkom nie, maar oor hoe ons leef, liefhet, dien en hoop bring waar ons ook al beweeg.

Miskien is dit tyd om nie net ons prentjie van kerk te bevraagteken nie, maar om weer verlief te raak op die Kerk van Jesus.

Want Sy Kerk is nie bloot iets waaraan ons behoort nie. Dit is deel van wie ons is en hoe Hy deur ons die wêreld aanraak.

Week 5 – Die Pad Vorentoe: hoe en waarheen beweeg ons?

DAGSTUKKIE Week 5 – Dag 45 November 2026

INVLOEDRYK – elkEEN wen EEN

DAG 4 – JY WORD GESTUUR

“Soos die Vader My gestuur het, stuur Ek julle.” Johannes 20:21

“You don’t have to go far to make a difference.”

Daar is mense wat dink om deur God gebruik te word beteken jy moet iewers ver weg gaan. ’n Ander land. ’n Ander stad. ’n Groot bediening. Maar Jesus sê: “Soos die Vader My gestuur het, stuur Ek julle.”

Jy is reeds gestuur. Jy is gestuur na die mense wat jy elke dag ontmoet. Na jou familie. Na jou kollegas. Na jou bure. Na die persoon wat langs jou sit. Na die mens wat dalk niemand anders het wat na hom of haar luister nie.

Jy hoef nie iemand anders te word om deur God gebruik te word nie. God kan jou huidige lewe gebruik. Jou beroep. Jou persoonlikheid. Jou storie. Jou huis. Jou vaardighede. Jou invloed.

Die vraag verander van: “Waar kan God my gebruik?” na: “Waar is God my reeds geplaas?”

Miskien is jou sendingveld baie nader as wat jy dink.

Refleksie:
Wie is die mense wat God reeds in jou daaglikse lewe geplaas het – en hoe kan jy hierdie week bewustelik na hulle toe beweeg?

Lewensverryking

MEER oor ons

Ons skep ‘n ruimte vir almal om ‘n eg onweerstaanbare ervaring van kerkwees te beleef.

Ons doel is om omgewings te skep waar mense aangemoedig en toegerus word om intimiteit met God te beleef ongeag die ‘pathway’ waarmee hy/sy tuis voel, gemeenskap met die binnekringe van Dei Gratia te beleef, en ongekende genade na buitestaandes te neem.

Hier sal jy ‘n plek vind waar jy warm verwelkom word, met liefde en sonder veroordeling benader word en tuis sal voel. Tydens ons byeenkoms sal jy ongeforseerd die Here kan aanbid, Bybelse waarhede onverskrokke kan hoor op ‘n maklike verstaanbare formaat.

Wat BIED ons jou?

Ons skep plek vir almal vanaf ons peuters, kleuters, kinders, tieners, young adults en seniors om op hul vlak bedien te word

meer

Waar kan ek BETROKKE raak?

Ons skep die plek en die geleentheid vir jou om jou ander te dien en jou bediening uit te leef

meer

Wat DOEN ons?

Ons reik uit en help wanneer mense in nood verkeer.
Ons wil mense toerus om in die wêreld te kan lewe

meer